دكانلي ولا Shopify؟
Shopify منصة عالمية قوية. دكانلي معمولة للتاجر اللي بيبيع في مصر. دي مقارنة بسيطة في النقط اللي بتفرق مع التاجر المصري، من غير مبالغة.
| النقطة | دكانلي | Shopify |
|---|---|---|
| الدفع عند الاستلام | هو طريقة الدفع في صفحة الطلب من غير أي إعداد، والعميل بيطلب كضيف من غير حساب. | متاح كطريقة دفع يدوية (manual payment) بتفعّلها من الإعدادات. |
| العملة | كل أسعار المنتجات والشحن في المتجر بالجنيه المصري. | فاتورة اشتراك Shopify في مصر بتطلع بالدولار، لأن الجنيه مش من عملات الفوترة المحلية عندهم. |
| العربي واتجاه الكتابة (RTL) | المتجر ولوحة التحكم والأبليكيشن معمولين بالعربي ومن اليمين للشمال من الأول. | لوحة التحكم متاحة بالعربي. أما المتجر نفسه فدعم العربي من اليمين للشمال بيعتمد على الثيم اللي بتختاره. |
| الشحن مع بوسطة | ربط مباشر مع بوسطة من لوحة التحكم، وسعر شحن ومدة توصيل لكل محافظة. | بوسطة عندها أبليكيشن على Shopify App Store بتنزّله وتربط بيه متجرك. |
| الدومين الخاص | ساب-دومين مجاني على dokanly.shop، أو اربط دومينك الخاص وشهادة HTTPS بتطلع أوتوماتيك. | ساب-دومين على myshopify.com، وتقدر تربط دومينك أو تشتري دومين منهم. |
إمتى Shopify يكون أنسب؟
لو بتبيع برا مصر بعملات ولغات كتير، أو محتاج أبليكيشنات كتير من متجر تطبيقات Shopify، فـ Shopify اختيار قوي.
وإمتى دكانلي يكون أنسب؟
لو بتبيع في مصر، وعايز الدفع عند الاستلام والجنيه والعربي والشحن بالمحافظات يبقوا جاهزين من غير ما تجمّعهم من أبليكيشنات، ومعاهم كاشير للمحل وأبليكيشن أندرويد لفريقك.